Kontrolli i shpirtit nga doganat ajrore pas ndarjes nga trupi -Vazhdim 4
13) Dogana e hakmarjes
Kjo doganë merr në shqyrtim ata që kanë armiqësi me të afërmin e tyre, dhe me çdo njeri tjetër
dhe nuk duan që ta falin, sipas porosisë të Krishtit. Kur na panë ata demonë, m’u hodhën sipër
duke u munduar të më gjejnë ndonjë faj, por për hir të Krishtit, nuk gjetën asgjë dhe ikën të
turpëruar duke bërtitur: «Harruam që t’i shkruajmë»… dhe plot gënjeshtra të tjera, por ne ikëm .
Atëherë morra guxim dhe pyeta ëngjëjt: – Si i dinë ata të padrejtët fajët e çdo njeriu?
-Nuk e di ti, më tha njeri nga ëngjëjt, se pas pagëzimit, çdo i krishterë merr nga një ëngjëll me
vete për roje të tij, pa e parë ai, për ta udhëhequr në vepra të mira dhe të regjistrojë të gjitha
veprat e tij të mira ? Gjithashtu në të njejtën mënyrë e ndjek edhe një djall i cili regjistron veprat
e tij të këqia. Pra, kur mëkaton njeriu menjëherë djalli lajmëron se këtë veprim bëri filani. Në qoftë se
për shëmbull vodhi, lajmëron doganën e vjedhjes. Por në qoftë se janë më shumë veprat e mira që ka
bërë ai shpirt, atëherë ato i paraqet ëngjëlli roje në doganat dhe lirohet.
14) Dogana e magjisë (e mashtrimit të njerëzve )
Kjo doganë merr në shqyrtim magjistarët dhe mashtruesit me anë të magjisë. Këta demonë
dukeshin si egërsira, si gjarpërinj, si qentë, si qe të egra dhe si lloj lloj kafshësh të tjera të egra. Por,
me ndihmën e Krishtit pa pasur gjë për të na kontrolluar dhe për të na thënë, ikëm edhe nga këta.
Duke u ngjitur përsëri pyeta engjejt:
-Me ç’mënyrë mund të shuhen mëkatet e njerëzve që jetojnë në botë dhe të hiqen nga librat e
doganave ajrore?
Dhe ata mu përgjigjën:- Mund të falën dhe të shuhen, kur njerëzit do pendohen dhe do rrëfejnë
mëkatët e tyre, do kryejnë ndalimin që u cakton Ati Shpirtëror dhe në këtë mënyrë marrin faljen.
Por, në rast se dikush do ketë turp që t’i rrëfejë të gjitha mëkatët e tij dhe do kujtojë se i mjafton
vetëm largimi nga mëkati, dhe rrëfimi vetëm tek Perëndia, në këtë rast mëkatët e tij nuk falen. Sepse
Zoti autorizoi Apostujt e Tij të zgjidhin dhe të lidhin mëkatët e njerëzve, dhe nëpërmjet
kryepriftërinjve dhe etërve shpirtërorë, ruhet Misteri i rrëfimit deri më sot. Ku shikojnë demonët se
mëkatet e njerëzve u shuan, tronditen, nxehen, nuk u vjen mirë dhe përpiqen t’i hedhin njerëzit në
mëkate të tjera më të mëdha. Mirëpo shumë, duke pasur frikën e ndalimit nga Ati Shpirtëror i
ndajnë mëkatet e tyre, dhe gjysmat ja thonë njërit At Shpirtëror dhe pjesën tjetër një Ati tjetër
Shpirtëror. Duhet të dinë se këta janë të mashtruar nga djalli, sepse kjo gjë nuk është rrëfim dhe
pendim por është dinakëri. Njerëzit duhet të kenë po të jetë e mundur, një At Shpirtëror për gjithë
jetën e tyre dhe mos ta ndërojnë pa qënë e nevojëshme. Përndryshe nuk mund të shpëtojnë nga
shpirtërat dinake ajrore.
KOSHERJA ORTODOKSE
