/ Predikime-Katekizma- Artikuj / Shën Joan Pagëzori

Shën Joan Pagëzori

Shën Joan Pagëzori

 

Data 7 Janar,një ditë pas festës së Theofanisë,iu përkushtua  kremtimit të Pararendësit Shën Joan Pagëzorit.Shën Joani ishte djali i priftit Zaharia dhe i Elisabetës.Deri në moshën 30 vjecare bëri  jetë asketike në shkretëtirë i përkushtuar lutjeve dhe përsosmërisë shpirtërore dhe morale.
Rrobat e tij ishin prej lëkurë deveje dhe ushqimi që hante ishte mjalt i egër dhe karkaleca. Joani kishte gjithë meritat e një predikuesi të lartë të fjalës Hyjnore.Kështu,me besim dhe zell predikonte dhe thërriste popullin në pendim.
Karakteristikë e predikimit të tij ishte thirrja që i drejtonte popullit :” Pendohuni,u afrua Mbretëria e Qiejve”,duke përgatitur kështu rrugën e Zotit tonë Jesu Krisht për veprën e Tij të shpëtimit.
Joan Pagëzori është  një ndër  figurat më të larta dhe të Shenjta të Kishës sonë.Shpesh herë në ikona pershkruhet si ëngjëll nga jeta asketike që bënte.
Ikona e Shën Joanit ndodhet gjithmon në të djathtë të Krishtit në ikonastas në cdo Kishë,   në shenjë nderimi.
 
 
Përgatitur nga A. Marini
 
 

Shën Joan Pagëzori