Apostulli i të djelës
2.Tim.2:1-10
1 Ti pra, biri im, forcohu në hirin që është në Krishtin Jisu;
2 edhe sa dëgjove prej meje me shumë dëshmitarë, jepua njerëzve besimtarë, të cilët do të jenë të zotë të mësojnë edhe të tjerë.
3 Ti pra vuaj si ushtar i mirë i Jisu Krishtit.
4 Sepse asnjë që shkon ushtar nuk ngatërrohet me punët e jetës, që t’i pëlqejë atij që e mori ushtar.
5 Po edhe nëse dikush ndeshet, nuk kurorëzohet, nëse nuk ndeshet sipas ligjit.
6 Bujku që mundohet, duhet i pari të marrë pjesë nga frytet.
7 Kupto ato që them; edhe Zoti të dhëntë mend për të gjitha.
8 Ki ndër mend Jisu Krishtin nga fara e Davidit që është ngjallur prej së vdekurish, sipas ungjillit tim,
9 për të cilin vuaj deri në vargonj si keqbërës; por fjala e Perëndisë nuk lidhet.
10 Prandaj të gjitha i duroj për të zgjedhurit, që të gjejnë edhe ata shpëtimin që është në Krishtin Jisu bashkë me lavdi të përjetshme.
Marrë nga Kisha Ortodokse Autoqefale e Shqipërisë
