Apostulli i të Djelës
Heb.9:1-7
Flijimi i Krishtit përbën dhiatën e re të Perëndisë
1 Kishte pra edhe dhiata e parë rregulla adhurimi dhe shenjtëroren tokësore.
2 Sepse u ndërtua tenda e parë, në të cilën ishte edhe kandileri, edhe tryeza, edhe paravënia e bukëve, tendë e cila quhet Shenjtërore.
3 Edhe pas kurtinës së dytë ishte tenda që quhet Shenjtërore e Shenjtëroreve,
4 e cila kishte një temianicë të artë, edhe arkën e dhiatës të mbuluar përreth nga të gjitha anët me ar, në të cilën ishte shtamba e artë që kishte mannën, edhe shkopi i Aronit që çeli sythe, edhe pllakat e dhiatës.
5 Edhe përsipër asaj ishin Kerubimet e lavdisë që i bënin hije shlyesit; për të cilat nuk është tani nevoja të flasim hollësisht.
6 Edhe duke qenë këto të ndërtuara kështu, në tendën e parë gjithnjë hyjnë priftërinjtë që bëjnë lutjet.
7 Po në të dytën një herë në vit hyn vetëm kryeprifti, jo pa gjak, të cilin e blaton theror për veten e tij dhe për fajet e popullit, që i bëjnë nga padija.
Marrë nga:
Kisha Ortodokse Autoqefale e Shqipërisë
